د شارجې په نندارتون کې په څه دپاسه ۷۶ژبو باندې د قرآن ژباړه وړاندې شوه
ایکناخبری آژانس د الیوم له قوله راپورراکړ،د عربستان د ملک فهد قرآن چاپ کمپلیکس او ددغه هیواد دکنفرانسونو او نندارتونونو له دارلانشاء څخه په نمایندګۍ د عربستان د تبلیغ او ارشاد او اسلامی چارو د وزارت سټال ،په اماراتو کې د شارجې د کتاب په یوسل یوڅلویښتم نړیوال نندارتون کې خپل علمي منشورات او ماډرن انټرنیټي خدمات وړاندې کړي دي.
دغه سټال همداراز په دغه نندارتون کې د قرآني او اسلامی علومو او د ملک فهدد کمپلیکس له خوا د څه دپاسه ۷۶ژبو باندې د قرآني ترجمو په باب ډول ډول خپرونې وړاندې کړي دي .
مختلف اسلامی اپلیکشنز،مستند فلمونه،له انټرنیټي کتابتون سره اړونده خدمات او دحج او عمرې په زمینې کې د عربستان خدمات هم د عربستان په سټال کې وړاندې شوي دي او دغه سټال ددغه نندارتون په پړاؤ کې د نندرچیانو لپاره د قرآن کریم ژباړل شوي او همداراز په مختلفو اندازو کې یولک لس زره قرآني نسخې هم ویشي.
یادونه کیږي چې د شارجې د کتاب یوڅلویښتم نړیوال نندارتون د نومبر په دوهمه پيل شوی او د نومبر تر دیارلسمې نیټې پورې به دوام ومومي .
